Хичээнээ

Хүйтэрч байна. Утаанд угаартахгүй байгаадаа олзуурхахаас цаашгүй. Хааяа хувиа хичээсэн юм шиг санагддаг ч ганц миний биш гэр бүлийн 3 хүний маань хувь тавилан, заяа төөргөөр энд амьдарч байгаа бус уу гэж өөрийгөө тайвшруулдаг. 

Гэснээс манай бага цаг үетэйгээ, улиралтайгаа хөл нийлүүлэн алхдаг гэдгийг мэдсээн хэхэ. 9 сард оройд унтахдаа уншуулдаг ном нь дандаа биеийн тамирын өдөрлөгийн тухай байсан, 10 сарын эхээр өдөрлөг нь болсон. 11 сард нэг хэсэг баахан дуу бүжигтэй ном сонгоод байсан урлагийн үзлэг нь болоод дууссан. Залгуулаад нэг хэсэг цагаан будааны боов хэхэ (мочи) хийх тухай ном уншуулаад байсан өчигдөр тэрийгээ цэцэрлэг дээрээ хийж идсэн. Саяхнаас Санта өвөөгийн тухай идэвхтэй уншуулж байгаа. Одоогийн байшингууд яндангүй болсон болохоор хаагуур орж очих тухайгаа Санта нар хуралдаад цонхоор нь орохоор болдог юм. Тэгсэн ээжээ манай цонх хаана байна? Унтахдаа цонхоор харах хэрэгтэй байна, жоохон онгойлгож унтах хэрэгтэй гээд эхэлсэн дээ. Бэлэг бэлд л гэсэн үг. Том яахав учрыг мэддэг хүн аав руугаа заагаад Санта тэнд сууж байна л гэсэн хэхэ. 

Хуучин оноо мартах 2 ч үйл ажиллагаанд орчихсон, нэгэнд нь гэр бүлтэйгээ оролцсон. Том хичээлтэй тул багыгаа аваад очсон чинь хаанаасаа ч сурсан юм парти сайхан байнаа л гэж байна лээ хэхэ. Томын төрсөн өдөр дөхөж байгаа, бага байхад нь өөрсдөө мэдээд бэлэг бэлддэг байсан бол энэ жил шууд хэлсэн. Юу хэрэгтэйгээ хэлээрэй, хэрэгт хэрэггүй юм тааж авч өгч байснаас хэрэгтэй зүйлийг чинь бэлэглэе гээд. Их дуртай байна лээ. Бага энэ жил миний төрсөн өдрөөр бүх юм нь шоколадан торт авч өгөөрэй гэсэн. Том болохоор cheese cake захиалсан. 

2018 он миний хувьд ГАШУУН жил байсан. Тохиолдсон зүйл бүхэн чиний хүсээд байсан АМЬДРАЛ чинь шүү дээ гэдгийг мэдрүүлсэн. Гэв гэнэт би ТОМ БОЛСОН. Өөрийгөө том л гэж боддог байсан чинь нусаа хацартаа наасан амьтан байсан байна лээ хөөрхий. Энэ насандаа ганц удаа мэдрэх тэр л мэдрэмжийг амталсан. ШОРВОГ бөгөөд хамаг биеийг ХОРСГОЖ байсан. Бүхнийг мэдрүүлсэн 2018 ондоо БАЯРЛАЛАА. 

2019 онд би ердөө л байдгаараа ХИЧЭЭНЭЭ. Та бүхэндээ бас дурсгалтай, мартагдахгүй, шинэ зүйл бүхнийг мэдэрч, унасан ч босоод ирэх их хүчийг хүсэн ерөөе! Ирэх жил бичлэгээрээ уулзая. 

Үгүй болох нь

Хэзээнээс гэдгийг мэдэхгүй ч нэг л мэдэхэд өөрийнхөө болон бусдын блог дээр сэтгэгдэл үлдээж чадахгүй болжээ. Анхнаасаа надад зориулж, намайг гэсэн сэтгэгдэл бүрт хариу өгөхийг хичээдэг байсан.

Цуглуулга

• Нэгэн үйл явдлаас хойш утсаар ярих минь тоймгүй ихэссэн болохоор, ярих үедээ хамаг ажлаа хаяад утсаа зуураад суудаг болсон байсан юм. Тэгээд мэдээж тэрнийхээ хэрээр хийх юмаа хойшлуулж унтаж амрах нь хойшлоод, намайг хараад хань ижил Bluetooth гээч ид шидийг авч өгсөнөөр юмаа хийнгээ яриад, цаг хэмнээд байгаа. Тэрнээс гадна iMusic 3 сар үнэгүй хэрэглэх эрхийг маш сайн ашиглаад, толгойгоо ажиллуулахааргүй ажлаа хийхдээ дуу хөгжим дунд умбаж байнаа. 
• Оройд багыгаа унтуулахдаа ном уншиж өгдөг юм. Ойрын үед биеийн тамирын өдөрлөгийн тухай бичсэн номыг байн байн барьж ирээд байгаа. Удахгүй биеийн тамирын өдөрлөг нь болно. Тэр номон дээр тамирын өдөрлөг дээр нь аав ээж эмээ өвөө нь ирж байгаа тухай гардаг юм. Тэгээд ээж нь бас охиных дээрээ очно шд гэсэн чинь аягүй өрөвдөлтэй, итгэж ядсан царайгаар харсанаа どうせ仕事でしょう (угаасаа ажилтай л биз дээ) гэж авсан. Хичнээн өрөвдөв өө. Үдээс өмнө ихэвчлэн эцэг эх нар нь оролцох ажлууд их байдгийн, би үдээс өмнө ажлаас гарах эрхгүй болсон болохоор тэр үнэнээ багш нарт нь хэлээд очихгүй байгаа болохоор бусад хүүхдийн ээж ирээд байхад манайх л байхгүй шүү гэдэгтэйгээ эвлэрчихсэн байна эвий минь. 
• Том охины зохиол нэг номон дээр хэвлэгдэж гарав. Мэдээж мэргэжлийн түвшинд хүрэх болоогүй ч өөрийн насандаа мундаг байгаа ээжийн охин. 
• Ажлаар эх нутгаа зориод ирсэн. Анх удаа ажлаар, тэгэхээр юу гэсэн үг үү, харах өнцөг өөр байсан гэсэн үг. Амарч зугаалах, амраг садантайгаа уулзах биш болохоор өөр нүдээр харж яваад ирсэн. Бодсоор, бясалгасаар, яавал... гэх зэргээр. 
• Хүнийг амьд явуулдаг хамгийн чухал зүйл бол хайр гэсэн нэг юм уншаад. Мэдээж нөгөө олон хайр шүү дээ. Үнэн санагдсан л даа. Тэгээд дахиад нэг хайр дурлалыг мэдэрч догдолж үзмээр ... Хэндээ ч дурлах билээ дээ... 

Сэжигтэн

Өөрийгээ хөндлөнгөөс харж чадахгүй болохоор ямархуу байдгаа хэлж мэдэхгүй байна. Гэхдээ сайн мэддэг хүнээ бол юунаас болоод яагаад байгааг нь төвөггүй мэддэг болсон.

Туйл

Ядаргааны туйл гэж байдаг бол тэрэнд нь тун дөхөж явнаа би нь.

Тоохоо байж

• Цаг агаарын байдалд учиргүй ач холбогдол өгөхөө байчихжээ сүүлийн хэдэн жилд. Зундаа маш халуун шүү дээ энд, ердөө хэдхэн жилийн өмнө тэрхүү халууныг яаж тэсч гарнаа гээд л хоног тоолох нь халаг байдаг байлаа. Одоо бол цаг агаарт анхаарал хандуулахаа байсан. Зун бол харалтгүй байнга халуун, өвөл бас харалтгүй байнга жиндүү. За яахав гадуур орж гарах ажилтай бол нэг бороогоо харах юм даа. Ажил маань байшин дотор болохоор, бас цаг агаараас өөр шаналж санаашрах зүйлтэй байгаагийн шинж байхаа. Тэгээд ч халуун гэж үглээд хямраад сэрүүхэн болгочихож чадахгүйгээс хойш. 
• Ихэнхдээ өөрт гарч буй өөрчлөлт шинэчлэлт, шилжилт хөдөлгөөн, шагнал урамшуулал, албан тушаал зэрэг өөрийн хувийн өөрчлөлтүүдээ хүнд хэлэхээ байжээ. Хүнээс илүү гарсан юмгүй, би биш юмаа гэхэд өөр хэн нэг нь хийх юм болохоор, өөрийнхөө тухай ярих дургүй, миний явдал бусдад хамаагүй гэж үздэг, тэр бодол маань улам л гүнзгийрээд байх болсонтой шууд хамааралтай. 
• Бусадтай харьцуулахад учиргүй их зовлон зүдгүүр үзээгүй ч мэдээж өөрийн хэмжээнд унаж босч ирсэн үе, тэрнээсээ хуримтлуулсан туршлага байгаа болохоор өөрөөсөө дүү хүмүүст (ихэвчлэн эгч нарынхаа хүүхдүүдэд бас коохай нартаа) тэр хэцүү зүйлийг дайралгүй тойроод гараад ирэхийн тулд яах ёстой, хүссэндээ тийм амархан хүрдэггүй, цаг үргэлж хичээж байж амжилттай сурч ажиллана, зүв зүгээр сууж байгаад хэзээ ч толгойд чинь мэдлэг өөрөө орж ирэхгүй гэдгийг хэд хичнээн хэлж байв. Сүүлдээ өөрсдөө хичээхгүй байхаар нь тоохоо байсан, тааллаараа болог. Бүдэрч унаад, хичээлээ хийхгүй яавдаа гээд харамсаж байж хичээх улс юм байлгүй дээ гээд олон юм ярьдагаа орхисон.  
• Том охиноо тоохоо байж байгаа хэхэ. Сургуульд орохоос өмнө, бага сургуульд байхад нь, дунд сургуулийн 1-р ангид байхад нь их зууралддаг байж. Тэрний маань үр дүн гараад хэлүүлэлтгүй хийдэг болж. Өөрөө хийж дуусчихаад шалгаарай гээд аваад ирдэг болж. 3 удаа эвтэйхэн хэлж сануулж 4 дэх дээр нь үг дуугүй загнадаг гурвын дүрэм маань үр дүнгээ өгсөн. Одоо нэг хэлүүлээд л асуудалгүй хийдэг болж, гол нь хийхгүй бол аав ээжид биш надад муу гэдгээ ойлгодог болсон байна. Охиноо хараад өөрийн эрхгүй баярлах юм, овоо доо үр минь гэж бодох юм. Одоо багатайгаа зууралдаж үглэж дуулах ээлж ирж байх шиг байна. 
• Хувцас хунараа нээх тоохоо байж. Энэ нь ямар утгаар гэхээр мода дагахаа байсан л гэсэн үг. Ердөө өөртөө зохидог, биенд эвтэйхэн, эдэлгээ сайтайг сонгож байгаа гэсэн үг. Өндөр өсгийт барагтай өмсөхгүй, даашинж юбка бас өмсөхгүй нэг тиймэрхүү. Нөхрийгөө шоолдог байсын, нэг янзын юм хэд хэдэн өнгөнөөс нь авчихдаг болохоор, одоо өөрөө нэг тиймэрхүүдүү болчих гээд л хэхэ. 

Дүгнэлт нь ердөө нас явж намба суусны үр дүн байхаа даа тээ. Хамаг хариуцлага толгойн дээр ирэх үед маргааш юу ярихаа бодохоос биш маргааш юу өмсөхөө бодохгүй, чамаас шалтгаалсан асуудал дээр цаг агаар харж хойш суух биш зүгээр гараад л урагшаа. 

Хүн шиг

... ... пост хийчих санаатай орж ирлээ. Амьдралын минь ихэнх цагийг ажил маань эзлээд аваад явчихдаг. Тэгэхдээ би ажилдаа түүртдэггүй, дуртай. Тийм болохоор энэ их ачаалалтай ажлын ард гарахаар өдрийн 24 цагийн яг талыг нь зарцуулж байна даа. Өдөр тутамд гарч буй сонин сайхан үйл явдлууд ихэвчлэн ажилтай, ажлынхантай маань холбоотой байдаг болохоор нэг тиймэрхүү сонин сайхан бичих гээд л. 

Жам

• Ертөнцийн жамаар өдөр хоногууд ээлжилсээр, хүссэн хүсээгүй хором бүрээр хөшгирсөөр
• Ертөнцийн жамаар 4 улирал ээлжилсээр, чиний үе алсарсаар
• Ертөнцийн жамаар ирсэн нь буцсаар.....

ӨНГӨРСӨНдөө харамсахгүй, ИРЭЭДҮЙдээ итгэлтэй баймаар бол яг ОДОО хийсэн шиг хий, хичээсэн шиг хичээ, сурсан шиг сур, хайрласан шиг хайрла, тусласан шиг тусла. Тэгвэл чи дээрхи ЕРТӨНЦИЙН ЖАМуудын өмнө бага сөхрөнө. Өнгөрсөндөө өчүүхэн ч харамсахгүй, итгэл төгс хичээсний нөлөөгөөр ирээдүй чинь баталгаатай.

Smell harassment

Үнэрийн дарамт гээч зүйлийн талаар бичих гээд. 

Боломж гэж...

Энэ их өргөн утгатай сайхан үг шүү. Ойрд бол цаг завын тал дээр боломжгүй байгаа, хааяа мөнгө төгрөг тал дээр боломжгүй, ховорхон ч гэлээ сэтгэл санааны хувьд боломжгүй болчихдог үе бас байнаа. Хичнээн боломжгүй ч гэлээ цаг явдагаараа яваад орхигдчихгүй гэж чичигнэж гүйгээстэй хэхэ. 

Жить

Как можно отнять жизнь?
Как можно выключить свет?
Как можно отнять мать 
У ребенка, которому пять лет?
Нет, нет, нет!
Нет, нет, нет!

Человеку знать не дано
Сколько времени будет он жить.
Но дано выбирать одно:
Как ему с этим временем быть – жить!
Жить, жить, жить,
Жить, жить, жить,
Жить, жить, жить!

Жить, жить, жить!
Как научиться в мире жить?
Уметь любить, уметь прощать,
И до конца себя отдать,
И до конца себя отдать!

Жить, жить, жить;
Как научиться просто жить,
С людьми родными рядом быть,
Вместе мечтать, вместе любить -
И каждым мигом своим дорожить.

Как можно простить врагу,
Как не перейти черту?
Как слезы сдержать в груди,
Видеть рассвет впереди,
Надеяться и верить?

Прошлый день уже не вернуть,
В этом будущей жизни суть:
Передать, сохранить, простить -
Нашим детям здесь еще жить.

Жить, жить, жить,
Жить, жить, жить
Жить, жить, жить!

Жить, жить, жить!
Нам с тобою от счастья по небу кружить.
И вновь поднимется заря,
За ним обнимется Земля;
За ним обнимется Земля!

Жить, жить, жить,
Как нам учиться в мире жить?
В объятьях утренней зари -
Просто любить, просто мечтать;
Сердцем своим этот мир согревать.

Я помню себя в свои 18 -
Музыка, спорт, стремление меняться.
Тогда в мой успех никто не верил,
Но вопреки сумел я подняться.

Я помню, как все мне кричали "Мимо!"
Учеба, работа – невыносимо.
Единственный сын, единственный шанс:
Диплом МГУ – это мой стимул.

В моей истории все по-другому:
Вылетел с курса – не одобрили дома.
Тогда мне сказал один мой знакомый,
Что самый богатый в стране из детдома.

Я слышал диагноз, я был там в больнице,
Смотрел им в глаза, смотрел прямо в лица:
Уныния – ноль, желание жить,
Не парочку лет, а минимум тридцать.

Минимум тридцать? Минимум сто
Никаких если, никаких но
Уныние якорем тянет на дно
Пора все менять, все решено.

Я сделал себя, чем ты хуже
Ты можешь так, ну чем ты хуже
Хватайся за шанс своими руками
Меняй свою жизнь вместе с нами.

Жить, жить, жить (нам с тобою)
Как научиться просто жить?
Не воевать, не убивать
А человеком просто стать
А человеком просто стать.

Просто жить! 

Цастай виз

Яг одоо орж байгаа болохоор онцлов. Хэдэн жилдээ нэг удаа Токиод ингэж газарт унангуутаа хайлалгүй тогтоод орчин тойрон үлгэрийн кинон дээр л гардаг өвөл шиг сэтгэгдэл төрүүлэм цас ордог юм. Удахгүй дээ маргааш нь хайлаад л үлгэр дуусаа. 

Сэргээнэ бас шинээр хийнэ

2018 оны мэнд! 

Эндхийхээр бол цагаан сар нь болохоор нийт 6 хоног сайхан амраад ажилдаа шумбаад орчихсон. Гадаа хүйтэн талдаа болохоор гэр зуур амарсан. Бас л хэмнэл алдагдах нь байна шүү дээ, хоолноос хоолны хооронд өнхрөөд таарсан хэхэ. Энэ жилдээ хуучин хийдэг байж байгаад амьдралын шаардлагаар хийхээ больсон зарим нэг зүйлсээ сэргээгээд ганц 2 зүйлийг шинээр хийж эхлэх санаатай байна.